လွန်ခဲ့သောနှစ်ပတ်ခန့်က မိတ်ဆွေတစ်ဦးမှမြောက်ဒဂုံမှာ မြေနှင့်အိမ်ဝယ်လိုကြောင်း၊ဈေးနှုန်းနှစ်ဘက် ညှိနှိုင်းပြီးပြီမို့စာရွက်စာတမ်းလိုက်စစ်ဆေးပြီး၊
စရံပေးစာချုပ်ချုပ်ပေးပါရန်အလုပ်အပ်သဖြင့်၊သွားရောက်ဆောင်ရွက်ခဲ့ပါတယ်။

အကျိုးဆောင်မှ ကျွန်တော့်မိတ်ဆွေအားဂရန်အမည်ပေါက်မှရောင်းမည်ဖြစ်ကြောင်းပြောပါတယ်။
ကျွန်တော်နှင့်ကျွန်တော့မိတ်ဆွေတို့အတူ အိမ်ခြံမြေအကျိုးဆောင်၏ရုံးခန်းသို့သွားရောက်ခဲ့ကြပါတယ်။

အကျိုးဆောင်ရဲ့ရုံးခန်းသို့ရောက်သောအခါမြေကွက်ပိုင်ရှင်ဆိုသူနှင့်မိတ်ဆက်ပေးပါတယ်။
ကျွန်တော်မှထိုသူအားစာရွက်မူရင်းများပြသပေးရန်ပြောသောအခါ၊ပိုင်ရှင်ထံတွင်လိုက်ကြည့်နိုင်ကြောင်း
ယခုမိတ္တူသာရှိကြောင်းအရောင်းအဝယ်အတွက် စရန်ချပြီးပါက မူရင်းစာရွက်စာတမ်းအားလိုက်ပြပါမည်ဟုပြောပါတယ်။

ကျွန်တော်မှ ဒါဆိုရင်ခင်ဗျားကပိုင်ရှင်မဟုတ်ဘူးပေါ့လို.မေးတော့

အဆိုပါရောင်းသူမှ သူကဝယ်ထားပြီး တဆင့်ပြန်ရောင်းခြင်းဖြစ်ကြောင်းပြောပါတယ်။

ဒါဆိုခင်ဗျားဝယ်ထားတဲ့စာချုပ်ပြဆိုတော့ မပြဘူးလို့ပြောပါတယ်။
ဒါဆိုခင်ဗျားမှာပိုင်ရှင်ကပေးထားတဲ့ကိုယ်စားလှယ်လွှဲစာရှိလားလို့မေးတော့လည်းမရှိဘူးလို့ပြောပါတယ်။

ရောင်းသူက ပိုင်ရှင်လည်းမဟုတ်၊ပိုင်ရှင်ထံကကိုယ်စားလှယ်လွှဲစာရထားသူလည်းမဟုတ်၊

ပိုင်ရှင်ထံမှဝယ်ယူရန်စရံပေးစာချုပ်ချုပ်ဆိုထားသူလည်းမဟုတ်ပေ ။၎င်းမြေနှင့်ပတ်သက်‌ပြီး ပိုင်ဆိုင်သည့်အထောက်အထားတခုမှမပြသနိုင်ပေ

ထို့ကြောင့်ကျွန်တော့မိတ်ဆွေအား မဝယ်ရန်ပြောသောအခါ၊
ထိုရောင်းချသူမှ သူ့ကိုယုံကြည်နိုင်ပါကြောင်းပြောပါတယ်။

အကျိုးဆောင်မှလည်းသူအာမခံကြောင်း၊
သူအကျိုးဆောင်လုပ်လာတာကြာပြီဖြစ်ကြောင်း၊
လမ်းဘေးပွဲစားမဟုတ်ကြောင်း
ရုံးခန်းနှင့်အခိုင်အမာဆောင်ရွက်နေသူဖြစ်ကြောင်း
ပြဿနာအရှုပ်အရှင်းဖြစ်လာပါက
အကျိုးဆောင်မှ မိမိတာဝန်ယူဖြေရှင်းပေးပါမည်ဟု
အာမခံ‌ ပြောကြားပါသည်။

ကျွန်တော်တို့ရှေနေများအနေဖြင့်စာရွက်စာတမ်းခိုင်မာမူ့၊နှင့်
အလုပ်အပ်နှံသူရဲ့အကျိုးစီးပွားမထိခိုက်စေရန်သာဆောင်ရွက်ပေးပါတယ်။

ထို့ကြောင့်မဝယ်ပေးပဲပြန်ခဲ့ပါတယ်။
ထိုဖြစ်စဉ်မျိုးနှင့်အလားတူကိစ္စများအခုတလော
မကြာခဏကြုံ‌နေရပါသဖြင့်မိတ်ဆွေများသတိထားနိုင်ရန်တင်ပြခြင်းသာဖြစ်ပါတယ်။

မှန်မှန်ကန်ကန်ဆောင်ရွက်ပေးနေသောအိမ်ခြံမြေအကျိုးဆောင်များ ၊အများအပြားရှိပါတယ်။
၎င်းတို့ကိုမဆိုလိုပါ။

ကျွန်တော်ခန့်မှန်းမိသည်မှာ
ကျွန်တော်တို့ကစရံပေးစာချုပ်ချုပ်မှ ကျွန်တော်တို့စရံပေးသောငွေဖြင့်ပိုင်ရှင်ထံ
စာချုပ်သွားချုပ်ပြီး၊ပိုသောအမြတ်ငွေကိုထုတ်ယူသွားမည့်ပုံဖြစ်ပါတယ်။
အိမ်ကိုင်အကျိုးဆောင်မှဈေးတင်ရောင်းခြင်းပုံစံတမျိုးသာဖြစ်ပြီး
တာဝန်ယူမှု့ တာဝန်ခံမှုမရှိသော အရောင်းအဝယ်သာဖြစ်ပါသည်။

ပြဿနာတစ်စုံတရာပေါ်ပေါက်ပါက ဝယ်ယူသူသာလျှင်နစ်နာမည့် အရောင်းအဝယ်ဖြစ်ပါသည်။
ထို့ကြောင့် မိတ်ဆွေများအမှားကင်းစွာဖြင့်ဝယ်ယူနိုင်ကြပါစေ

လေးစားစွာဖြင့်
Credit : UTO( UTZ Lawfirm )

ရောင်းရန်၊ ဌားရန် အိမ်ခြံမြေများ